معجزة للام تماف ايريني

تقول إحدى الراهبات :-
† " أثناء
سفر أمنا الغالية الى احدى رحلاتها العلاجية الى أمريكا فى 1999م كنت أقضى
فترة فى ديرنا بالقناطر ، وذات يوم بعد أن أخذت حقنة الأنسولين ..لانى
مريضة بالسكر .. خرجت من قلايتى بالدور الثالث وأخذت الأسانسير للنزول الى
المائدة ، وفجأه انقطع التيار الكهربائى وتوقف الأسانسير فى المسافة بين
دورين وكان الباب مصوجر لايمكن فتحه.. لإاخذت أخبط على حوائط الأسانسير من
الداخل حتى يسمعنى أحد ، لكن دون جدوى ...

ومن المعروف ان انقطاع التيار الكهربائى فى القناطر لايعود مرة ثانية الا بعد وقت طويل يصل أحياناً الى نصف يوم او اكتر ...

وفجأه شعرت بهبوط شديد ورعشة فى كل جسمى وعرق غزير كبداية كومة سكر واطى من حقنة الأنسولين .. فى الحقيقة من كترة تعبى،
شعرت اننى
فى حالة موت ولامفر منها ،فقدمت توبة وأخذت أصلى وأبكى .. وقلت فى داخلى "
كده برضه ياتماف دا انتى بتحسى بالناس كلها، مش حاسة بىّ ... حَ أموت وأنا
داخل الأسانسير ..،

وفى الحال لقيت حد بيفتح الباب ، ولكن كان هناك فرق حوالى مترين بين المكان الذى توقف فيه الأسانسير والدور التانى ،فقلت :
"خلاص حَ أنط ولو انكسرت أحسن من المشكلة اللى أنا فيها ؛

لما
جيت أنط ،لقيت حد بيمسكنى ويسندنى بالراحة لغاية مانزلت الدور التانى ..
ووصلت عند أخواتى فى المطبخ وانا فى حالة انهيار من الموقف
فأسعفونى
بسرعة ، وحكيت لهن عما حدث والكل فى ذهول وتعجب : كيف يفتح باب الاسانسير
المصوجر من ذاته ، لأنهن بعد ذلك وجدنه مغلقاً ومغلقاً فى مكانه بين
الأدوار إذ أن التيار الكهربائى كان مازال منقطعاً ...

فى
ظهر اليوم التالى ،اتصلت بنا أمنا الغالية تليفونياً من أمريكا لتطمئن على
أخبارنا ، وسألت على الجميع واحدة واحدة .. وفى مثل هذه المكالمات تكون
السماعة دائماً مفتوحة وكلنا بنسمعها فى وقت واحد ونكلمها ، إلا أنها فى نهاية المكالمة قالت:-

فين أمنا (فلانة) عاوزة أسمع صوتها ... هى عاملة إيه دلوقتى؟
هىّ لسه عايشة ..؟
فأجبت : أنا عايشة بصلواتك يا تماف ..،
فقالت لى : إنتى أحسن من إمبارح ،
فقلت لها : هو أنتى حسيتى بيّ ؟!
فقالت لى : ماتعمليش كده تانى ، إما تخلى أكل عندك فى القلاية
أو إما تاخدى حقنة الأنسولين معاكى وتاخديها لما تنزلى ...،

فشكرت ربنا على محبته وحنانه وتعجبت على مواهبه الفياضة التى تفوق العقول والإدراك ، فيسمح لأمنا الغالية بأن تشعر بنا وترعانا ...
رغم بُعد المسافات عيناها دائماً علينا ...
فليتمجد إسم الله فى قديسيه
بركة شفاعة وصلوات تماف إيرينى تكون مع جميعكم
آميـــــــــــــــــــــــــن

منقول

» معجزة عظيمة جداااااااااا صورة تماف ايريني تذرف زيت الكل يدخل
» معجزة بالصورة
» معجزة فظييعة لمارجرجس ( هي طويلة بس بليز اقروها لاخرها )
» معجزة عظيمة جدااااااااااااااااااااااا فيديو ( صورة القديس العظيم مارمينا العجايبي تتح
» مفاجأة معجزة الأنبا موسى الأسود من دير البراموس حملوا الينكات بسرعة و أسمعوها